ياليتني عن حب مثلك تعرفت ,.,.

ياليتني عـن حـب مثلك . . ترفعـت * *

آسف أنا في جيتي لـك تسرعـت .... ظنيت ألاقي فيـك شـيٍ فقدتـه

كنت أحسبك مجروح مثلي تولعـت .... جربت فرقى شخص قلبـك وهبتـه

كنت أحسبك من مر جرحك تجرعت .... حبيت فيك أحساس طفـلٍ لمحتـه

لو قلت آآه بوسط روحي توجعـت .... ولو شفت دمعاتك شعوري سكبتـه

ولو تطلب أعيوني ابد ما تمنعـت .... وأعطيك قلبي لو بعد مـا طلبتـه

وصلت بك..... أعلى مكان وتربعت .... وفي قلب غيري ياالغضي ما وصلته

واصبر على صدك وأشوفك تدلعـت .... وأعطيك ود ومـا أظنك حسبتـه

أذهلتني بطباعك اللـي ...تطبعـت .... حتى قصيدي فيك ابد مـا فهمتـه

لو كان غاياتك حروفي فانا بعـت .... وافرح بجرح الشاعر إلي جرحتـه

وأرجوك من صدك تراني تشبعـت .... خلك مع اللي عاجبـك أو عجبتـه

يكفي قهر في جيتي لك تواضعـت .... تركت غيرك لجـل عينـك وبعتـه

ياليتني عـن حـب مثلك..ترفعـت .... ياليت قلبي قبـل أعرفك دفنتـه

لكن أببعد دامني بـك توهقـت .... الله يرحـم حبنـا اللـي ذبحـتـه

أنا شريت الود والحين أنـا بعـت .... وأنا عطيتك قلبـي اللـي قهرتـه

في يوم جيتك أطلبـك ود وأقنعت .... نفسي بأنك شخص عادي عرفته

كمل حياتك مثل مـا أنـا توقعـت .... تبقى أسير الماضي إلـي فرضتـه

ولا يحزنك أني غلطان وتراجعـت .... حولك بدالي ألف شخـصٍ عجبتـه

أما أنا لا يمكن اخضـع ولا طعـت .... يحرم علي أعطيـك قلـبٍ خذلتـه

باريّحك من شوفتي يـوم قاطعـت .... أسلوبك اللي بـه تجامـل كرهتـه

غلطان يا المقفى أنا مـا تتبعـت .... غيري يتابع خطوتـي مـا تبعتـه

ما ينحني راسي لو أني تقطعـت .... وما هو أنا من لا رميتـه لقطتـه

وان كان غرك حكي عذالي وطعـت .... الله يعلـم كيـف قلبـي سكنـتـه

اللي ملا قلبـك علـي وتسمعـت .... خله يعوض شخص مثلي خسرتـه

أنا بمـا فيــه الكفايـة تولعـت .... واللي بقى من قلب فينـي حرقتـه

بأول لقا سلمته إحساسي وضعـت .... غلطت حياتي يـوم قلبـي سلبتـه

والحمدللهسمحك فالبعد كأني تراجعت .... ما عاد ابلقـى فيـك شـي فقدتـه

طبعك مثل غيرك وطبعي كما كنـت .... أحب شخـص ولا تركته...تركتـه!!!

وان شفتني صدفة بعينك تطلعـت ....ذكرتني بإنسان غالـي فقدتـه

قصيدة أعجبتني فاأحببت أن أنقلها لكم
تحياتي

ياليتني عن حب مثلك تعرفت ,.,. 758a8f33ac

شكرا ليك

شكرا لردك

موضوع حلو يالغالي
تسلم

thanks